#USAID ხუთწლიანი პროგრამა „ერთიანობა მრავალფეროვნებაშია“ აერთიანებს საზოგადოებრივი და კერძო სექტორის წარმომადგენლებს, რათა ერთობლივად დაძლიონ საქართველოს ეთნიკური და რელიგიური უმცირესობების ინტეგრაციასთან დაკავშირებული პოლიტიკური, სოციალური და ეკონომიკური ტიპის პრობლემები. პროგრამის მიზანია გაზარდოს უმცირესობათა პოლიტიკური მონაწილეობა, გააფართოვოს და განამტკიცოს უმცირესობებისა და უმრავლესობის ურთიერთსასარგებლო საზოგადოებრივი, სამოქალაქო და ეკონომიკური კავშირები, შეამციროს სამოქალაქო და ეკონომიკური ინტეგრაციის ხელისშემშლელი ფაქტორები და ამ ყველაფრის შედეგად გააძლიეროს ქვეყნის საზოგადოების მედეგობა. პროგრამა ცდილობს ხელი შეუწყოს საქართველოს ეროვნული იდენტობის გაფართოებასა და გაძლიერებას და წარმოაჩინოს, რომ მისი ერთიანობა - მის მრავალფეროვნებაშია. პარტნიორები - საქართველოს როლი ამ პროგრამაში ჩართული სხვადასხვა დაინტერესებული მხარეებისთვის, მათ საჭიროებებზე მორგებული სატრენინგო და საკონსულტაციო მომსახურების უზრუნველყოფაშია; განსაკუთრებული ყურადღება ეთმობა ახალგაზრდულ ცენტრებთან ასოცირებული ახალგაზრდა ბენეფიციარების მომზადებას სამომავლო სამუშაო კარიერისთვის.

• • 
  • 
  • 

სამწლიანი პროგრამის მიზანი იყო სამოქალაქო საზოგადოების ორგანიზაციების მედეგობის გაძლიერება სამოქალაქო სივრცის შეზღუდვის და შევიწროვების პირობებში. პროგრამის ფარგლებში, სლოვაკ კოლეგებთან (Partners for Democratic Change Slovakia #PDCS) ერთად და #PartnersGlobal-ის მიერ შემუშავებული ინოვაციური მეთოდოლოგიით (#Resiliency+ Framework), ვიმუშავეთ ადგილობრივ საზოგადოებრივ ორგანიზაციებთან და დავეხმარეთ მათ ორგანიზაციული მედეგობის გაძლიერებაში.

• • 

საქართველოს ღია საზოგადოების ფონდის #OSGF სამოქალაქო საზოგადოების მხარდაჭერისა და ეროვნული ინტეგრაციის პროგრამებთან თანამშრომლობის ფარგლებში, ხუთი წლის განმავლობაში ვმუშაობდით ეთნიკურ უმცირესობათა საკითხებზე მომუშავე ორგანიზაციების ინსტიტუციურ გაძლიერებაზე. საერთო ჯამში 25 ორგანიზაციის ორმოცზე მეტ წარმომადგენელს ჩავუტარეთ ტრენინგები და ინდივიდუალური კონსულტაციები მათთვის აქტუალურ სხვადასხვა თემაზე

• • 

აშშ განვითარების სააგენტოს #USAID მიერ დაფინანსებული პროგრამის Advanced National Integration [ANI] Program ფარგლებში, საქართველოს გაეროს ასოციაციასთან და პროგრამისხვა პარტნიორ ორგანიზაციებთან ერთობლივად გავაგრძელეთ სამოქალაქო ინტეგრაციისა და მრავალფეროვნების საკითხებზე მუშაობა; კერძოდ, ჩვენი ცენტრი ჩართული იყო პროგრამის ფარგლებში დაგეგმილი სატრენინგო პროგრამების შემუშავებასა და განხორციელებაში, ტრენინგების შესაბამისი საკითხავი მასალის მომზადებასა და გამოცემაში და ახალგაზრდა ლიდერთა საზაფხულო ბანაკების ჩატარებაში.

• • 

პოლონეთის საგარეო საქმეთა სამინისტროს #PolishAid ფინანსური მხარდაჭერით და პოლონეთის პარტნიორების ცენტრთან #PartnersPolska ერთობლივად, ვიმუშავეთ 2008 წლის აგვისტოს ომის შედეგად დაზარალებულ შიდა ქართლის რეგიონში. გავაძლიერეთ გორის, ნიქოზის და ვარიანის ადგილობრივი ორგანიზაციები, რომელთა საქმიანობის პრიორიტეტული მიმართულებები მოიცავდა ლიდერ ქალთა და იძულებით გადაადგილებულ პირთა გააქტიურებასა და მათი ეკონომიკური მდგომარეობის გაუმჯობესებას.

• • 

British Petroleum-თან #BP სამწლიანი თანამშრომლობის ფარგლებში, ბაქო-ჯეიჰანის ნავთობსადენის გაყოლებაზე არსებული 89 საჯარო სკოლის სამეურვეო საბჭოები გავაძლიერეთ საპროექტო განაცხადის მომზადების, გუნდური მუშაობისა და კონფლიქტების მართვის საკითხებში.

• • 

ევროგაერთიანებისგან #EU მიღებული საგრანტო დაფინანსებით, მშვიდობის, დემოკრატიისა და განვითარების კავკასიურ ინსტიტუტთან #CIPDD თანამშრომლობით გამოვცადეთ საქართველოში სათათბირო დემოკრატიის / საჯარო ფორუმების მეთოდოლოგია და ხელი შევუწყვეთ რიგითი მოქალაქეების დიალოგს ერთ-ერთ ისეთ მნიშვნელოვან საკითხზე, როგორიცაა კორუფცია და მასთან ბრძოლის ფორმები.

• • 
  • 
  • 
  • 
  • 
  • 
  • 
  • 
  • 
  • 
  • 
  • 

აშშ სახელმწიფო დეპარტამენტისა #statedept და პარტნიორების საერთაშორისო ოფისის #PDCI ფინანსური მხარდაჭერით, სამხრეთ კავკასიის ახალგაზრდა ლიდერ ქალთა ინსტიტუტის პროგრამის მეშვეობით რეგიონის ახალგაზრდა აქტიური ქალები გავაძლიერეთ.

• •