|
|
|
ახალი ამბები
5.03.2010 -
ტრენინგები დაზარალებულთა დახმარების ცენტრებისათვისპარტნიორები–საქართველო ერთი კვირის მანძილზე ბაკურიანში პროკურატურის ახალგახსნილ დაზარალებულთა დახმარების ცენტრის კონსულტანტებთან ეფექტური კომუნიკაციის საკითხებზე იმუშავებს. ტრენინგები მიზნად ისახავს კონსულტანტების მომზადებას მოქალაქეებთან ეფექტური და საქმიანი ურთიერთობისათვის.
|
2.03.2010 -
მიმდინარეობს ტრენინგები ჯიპისის აფთიაქების მენეჯერებისათვისფარმაცევტულ კომპანია „ჯიპისისთან“ პარტნიორები–საქათველოს ტრენერები პერსონალის მართვის ტრენინგს აფთიაქების მენეჯერებისათვის ატარებენ. მარტის ბოლომდე, სულ 45 მენეჯერი გაივლის ტრენინგს, რომლის მიზანია პერსონალის ეფექტური მართვის, მოტივირების, მონიტორინგის და შეფასების სფეროში ცონდის გაღრმავება და შესაბამისი უნარების გავარჯიშება.
|
26.02.2010 -
ტრენინგები ილიას სახელობის სახელმწიფო უნივერსიტეტის ლექტორებისათვისპარტნორები–საქართველომ ილიას სახელობის სახელმწიფო უნივერსიტეტთან დაიწყო თანამშრომლობა და ახალმოწვეულ ლექტორებს ჩაუტარა ტრენინგი თემაზე ინტერაქციული მეთოდების გამოყენებით სწავლების გაუმჯობესება, რომელიც მოიცავს ეფექტურ კომუნიკაციას, პრეზენტაციას, დისკუსიების წარმართვას და ა.შ. ტრენინგების მიზანია სწავლების პროცესში სტუდენტების დაინტერესება და ლექციების გამრავალფეროვნება. კონტრაქტის ფარგლებში სულ 50 ლექტორი გაივლის ტრენინგს.
|
18.02.2010 -
ეფექტური მართვის ტრენინგები ზუგდიდისა და ფოთის ადგილობრივი თვითმმართველობის წარმომადგენლებისათვის5-6 თებერვალს, ასოციაცია "ათინათთან" თანამშრომლობით, ზუგდიდში ჩატარდა ეფექტური მართვის ტრენინგი ფოთისა და ზუგდიდის ადგილობრივი თვითმართველობის 17 წარმომადგენლისათვის, რომელსაც უძღვებოდნენ პარტნიორები–საქართველოს ტრენერ–კონსულტანტები. ტრენინგის მიზანი იყო გუნდური მუშაობის, ეფექტური კომუნიკაციის, გადაწყვეტილებების მიღებისა და ზოგადად, ეფექტური მართვის საკითხების გაცნობა. 26–27 თებერვალს ამავე წარმომადგენლებს ჩაუტარდებათ ტრენინგები თემაზე "მონაწილეობითი დაგეგმვა".
|
15.02.2010 -
ადამიანის რესურსების მართვის კურსზე მიღება გამოცხადდა15 თებერვალს, პარტნიორები–საქართველომ და ბაქსვუდის სკოლამ ადამიანის რესურსების მართვის სასერტიფიკატო კურსზე მიღება გამოაცხადა. კურსი 2010 წლის 15 მარტიდან 21 მაისამდე გაგრძელდება. მსურველებს განაცხადის შემოტანა შეუძლიათ 5 მარტამდე. ეს ადამიანის რესურსების მართვის თემაზე გამოცხადებული მეექვსე მიღებაა. ამჯერად კურსდამთავრებულები პარტნიორები–საქართველოს და ბაქსვუდის საერთაშორისო სკოლის მიერ ერთობლივად გაცემულ სერტიფიკატებს მიიღებენ. დამატებითი ინფორმაციისათვის ეწვიეთ ვებგვერდს: www.bcschool.ge
|
15.01.2010 -
ტრენინგები რეესტრის თანამშრომლებისათვისიანვარ–თებერვლის თვეებში პარტნიორები–საქართველო სამოქალაქო რეესტრის თანამშრომლებთან იმუშავებს. ხელშეკრულების თანახმად, პარტნიორები–საქართველოს ტრენერ–კონსულტანტები მოქალაქეთა მომსახურების გაუმჯობესების მიზნით რესტრის 100–მდე თანამშრომლისათვის სერვის პლუსის ტრენინგებს ჩაატარებენ.
|
1.01.2010 -
გილოცავთ ახალ 2010 წელს!პარტნიორები-საქართველოს ყველა კლიენტს, პარტნიორს, დონორსა და მეგობარს გილოცავთ ახალ 2010 წელს და წარმატებებს გისურვებთ.
|
22.12.2009 -
ინსტიტუციონალური შეფასება და ტექნიკური დახმარება დაავადებათა კონტროლისა და ჯანმრთელობის დაცვის ეროვნული ცენტრისთვისაშშ საერთაშორისო განვითარების სააგენტოს მიერ დაფინანსებული პროგრამის “FORECAST” ფარგლებში, რომელსაც ორგანიზაცია „მსოფლიო სწავლება“ ახორციელებს, ”პარტნიორები–საქართველო” ორ ადგილობრივ ორგანიზაციასთან (გაეროს ასოციაცია და გამოყენებითი კვლევების კომპანია) და ამერიკელ ექსპერტებთან (World Services of La Crosse Inc.) ერთად ახორციელებს დაავადებათა კონტროლისა და საზოგადოებრივი ჯანმრთელობის დაცვის ეროვნული ცენტრის ინსტიტუციონალური შეფასებისა და ტექნიკური დახმარების პროექტს. პროექტის მიზანია ორგანიზაციის შეფასების საფუძველზე ინსტიტუციონალური განვითარებისთვის რეკომენდაციების შემუშავება. პროექტი ორ ფაზად მიმდინარეობს. პირველი ფაზა, რომელიც ორგანიზაციის კვლევას და შეფასებას ისახავდა მიზნად და 11.09.2009 დან 21.12.2009-მდე მიმდინარეობდა, დასრულდა. მეორე ფაზა განხორციელდება 2010 წლის 18–23 იანვარს და მისი მიზანია ორგანიზაციის ხელმძღვანელობასთან და თანამშრომლებთან ერთად, რეკომენდაციების განხორციელების პროცესის დაგეგმვა, სამუშაო შეხვედრების საშუალებით.
|
18.12.2009 -
შეხვედრები სამცხე-ჯავახეთის რეგიონში16–17 დეკემბერს, პარტნიორები–საქართველოს ტრენერ–კონსულტანტებმა ორგანიზება გაუკეთეს და გაუძღვნენ ორ შეხვედრას სამცხე–ჯავახეთის რეგიონში. 16 დეკემბერს ახალქალაქში ჩატარდა შეხვედრა, რომლის მთავარი თემა იყო უმაღლესი განათლების ხელმისაწვდომობა ჯავახეთის რეგიონის ეთნიკური უმცირესობის წარმომადგენლებისათვის, ხოლო 17 დეკემბერს ახალციხეში ანალოგიური შეხვედრის მიზანი იყო ადგილობრივი მუნიციპალური ორგანოებისა და სამოქალაქო საზოგადოებას შორის თანამშრომლობის პროცესის ხელშეწყობა. შეხვედრაზე მოწვეულნი იყვნენ ადგილობრივი ხელისუფლების, საზოგადოებრივი ორგანიზაციების და მედიის წარმომადგენლები. შეხვედრების შედეგად მონაწილეებმა შეიმუშავეს სამოქმედო გეგმები, რომელთა მონიტორინგის მიზნით, 2010 წლის გაზაფხულზე დაიგეგმა მრგვალი მაგიდის მოწყობა თბილისში, სადაც მოწვეულები იქნებიან სამცხე–ჯავახეთის რეგიონის წარმომადგენლები, ადგილობრივი და საერთაშორისო პარტნიორი ორგანიზაციები და პროექტის დონორები. პროექტი დაფინანსებულია ევროკავშირის მიერ და ხორციელდება პარტნიორების საერთაშორისო ქსელის მიერ, პარტნიორები–საქართველოსთან თანამშრომლობით.
|
13.12.2009 -
მონაწილეობითი სამოქალაქო მონიტორინგის ინსტრუმენტები ადგილობრივი ხელისუფლების წარმომადგენლებისათვის3-4 და 10-11 დეკემბერს, პარტნიორები-საქართველომ ჩაატარა ტრენინგები თემაზე მონაწილეობითი სამოქალაქო მონიტორინგის ინსტრუმენტი - მოქალაქეთა ანგარიშგების ბარათი. ტრენინგები ჩატარდა აღმოსავლეთ საქართველოს ოთხი რაიონის (ბოლნისი, დმანისი, მარნეული, გარდაბანი) მუნიციპალიტეტის წარმომადგენლებისთვის. ტრენინგის უმთავრეს მიზანს წარმოადგენდა ადგილობრივი თვითმმართველობის ორგანოებისათვის ხელის შეწყობა ახალი ტიპის მიდგომების დანერგვაში მოსახლეობასთან ურთიერთობის თვალსაზრისით. ტრენინგის მონაწილეები საფუძვლიანად გაეცნენ ერთ-ერთ უმნიშვნელოვანეს მონაწილეობით ინსტრუმენტს – მოქალაქეთა ანგარიშგების ბარათს, მის სტრუქტურას, შედგენის წესებს, ანალიზის ერთეულის შერჩევის მნიშვნელობას და შეფასების წესებს. მათ ერთსულოვნად აღნიშნეს მიღებული ცოდნის და გამოცდილების უაღრესად დიდი მნიშვნელობა მათ სამომავლო საქმიანობის პროცესში. ტრენინგები განხორციელდა UNDP-ის ფინანსური მხარდაჭერით.
|
30.10.2009 -
ტექნიკური დახმარება ლტოლვილთა და განსახლების სამინისტროსათვისაშშ საერთაშორისო განვითარების სააგენტოს მიერ დაფინანსებული FORECAST პროგრამის ფარგლებში, რომელსაც ორგანიზაცია „მსოფლიო სწავლება“ ახორციელებს, პარტნიორები–საქართველომ განახორციელა ლტოლვილთა და განსახლების სამინისტროს ტექნიკური დახმარების პროექტი. პროექტის მიზანი იყო სამინისტროს უმაღლესი მენეჯმენტის კომუნიკაციერი უნარ–ჩვევების გაუმჯობესება ისე, რომ მათ შეძლონ ნათლად, თანმიმდევრულად, ზუსტად და კონსტრუქციულად იურთიერთონ არა მხოლოდ უშუალო ბენეფიციარებთან, არამედ სხვა სამთავრობო სტრუქტურებთან და ადგილობრივ და საერთაშორისო ორგანიზაციებთან. პროექტში, რომელიც 2009 წლის ივლისიდან ოქტომბრის ჩათვლით მიმდინარეობდა, ჩართული იყო პარტნიორები – საქართველოს ორი წამყვანი კონსულტანტი – ლელა გიორგობიანი და ვაჟა კვერნაძე, რომლებიც უძღვებოდნენ პროექტის საკონსულტაციო და ტრენინგ–კომპონენტს; გარდა ამისა, პროექტში კონტრაქტის საფუძველზე მუშაობდა კახა მაღრაძე, საკონსულტაციო კომპანია „ჯეპრა“–ს აღმასრულებელი დირექტორი, რომლის მთავარი ამოცანა სამინისტროსთვის საკომუნიკაციო სტრატეგიის სამუშაო დოკუმენტის შექმნაში მდგომარეობდა.
|
24.10.2009 -
ეფექტური საჯარო გამოსვლის ტრენინგები იუსტიციის სამინისტროს იურისტებისათვის პარტნიორები-საქათველოს ტრენერ-კონსულტანტები იუსტიციის სამინისტროს მთავარი პროკურატურის და რეგიონალური პროკურატურის წამყვან პერსონებს ჩაუტარებენ ეფექტური საჯარო გამოსვლის ტრენინგებს. ტრენინგის გავლის შედეგად მონაწილეები შეძლებენ საჯარო გამოსვლის ეფექტურად მომზადებას, განხორციელებას და საჯარო გამოსვლის შედეგების დამუშავებას.
|
20.09.2009 -
სკოლებისათვის მცირე გრანტების პროგრამის მეექვსე ფაზა იწყება2009 წლის 22 ოქტომბრიდან პარტნიორები-საქართველო დაიწყებს სკოლებისათვის მცირე გრანტების პროგრამის ფარგლებში ტრენინგების სერიას. ტრენიგები ჩატარდება ბრიტიშ პეტროლიუმის დაკვეთით, საპროექტო განაცხადის მომზადების, კონფლიქტების მართვის და გუნდური მუშაობის თემებზე, საჩხერის და ჭიათურის 13 სკოლის სამეურვეო საბჭოებისთვის.
|
24.08.2009 -
საზაფხულო სკოლა–ბანაკი ეროვნული უმცირესობებისათვის2-8 აგვისტოს, ლიკანში, ფონდი ღია საზოგადოება-საქართველოს ფინანსური მხარდაჭერით, პარტნიორები საქართველომ ორგანიზება გაუკეთა და ჩაატარა მრავალფეროვნების მართვის ტრენერების მოსამზადებელი საზაფხულო სკოლა-ბანაკი. ბანაკი მიზნად ისახავდა საქართველოს მრავალეთნიკური რეგიონების ახალგაზრდებში მრავალფეროვნების მართვის ძირითადი პრინციპებისა და დამოკიდებულების პოპულარიზაციას და ამდენად, ქვეყანაში ინტეგრირებული და ტოლერანტული საზოგადოების ფორმირების ხელშეწყობას. პროექტის ფარგლებში მომზადდა 20 ახალგაზრდა ტრენერი ახალგორის, სამცხე-ჯავახეთისა და ქვემო ქართლის რეგიონებიდან. ისინი მომავალში ამ რეგიონებში მცხოვრები მოსახლეობის სხვადასხვა ჯგუფისთვის დამოუკიდებლად ჩაატარებენ ტრენინგებს მრავალფეროვნებისა და ტოლერანტობის თემებზე.
|
18.08.2009 -
ტრენინგები ვი–თი–ბი ბანკის მენეჯერებისათვისპარტნიორები-საქართველოს ტრენერ-კონსულტანტებმა, ვაჟა კვერნაძემ და ლელა გიორგობიანმა, ვი–თი–ბი ბანკის საშუალო რგოლის მენეჯერებისათვის მოლაპარაკებების ტრენინგი ჩაატარეს. მსგავსი ტრენინგი ბანკის საშუალო რგოლის მენეჯერების კიდევ ორ ჯგუფს ჩაუტარდება. ტრენინგების ძირითადი მიზანია მოლაპარაკებების სხვადასხვა ტექნიკის და მეთოდის გაცნობა და დარწმუნების და არგუმენტირების უნარ–ჩვევების გავარჯიშება.
|
24.06.2009 -
ტრენერების ტრენინგი მონაწილეობით სამოქალაქო მონიტორინგსა და სამოქალაქო ინტერესების დაცვაშიევრაზიის პარტნიორობის ფონდისა და საერთაშორისო ქსელის "პარტნიორები დემოკრატიულ ცვლილებაში" კონტრაქტის ფარგლებში ქსელის ორმა ტრენერ–კონსულტანტმა – არიოლა აგოლიმ (პარტნიორები – ალბანეთი) და მილენა მითაგვარიამ (პარტნიორები – საქართველო) ჩაატარეს ტრენინგები საქართველოს არასამთავრობო ორგანიზაციების წარმომადგენლებისთვის. პროგრამა მიზნად ისახავდა როგორც მონაწილეთა ცოდნის გაუმჯობესებას სამოქალაქო მონიტორინგის სხვადასხვა ინსტრუმენტის, კერძოდ კი მონაწილეობითი ბიუჯეტირების, მოქალაქეთა ანგარიშგების ბარათის და სამოქალაქო მრჩეველთა საბჭოების კუთხით, ასევე მათი ტრენერული უნარ–ჩვევების გაძლიერებას. შემდეგი თვის განმავლობაში პარტნიორები – საქართველოს თანამშრომლები გააგრძელებენ მუშაობას მონაწილეებთან და გაუწევენ მათ კონსულტირებას ზემოთ ჩამოთვლილ თემებზე ტრენინგების მომზადებისა და ჩატარების პროცესში.
|
15.06.2009 -
ტრენინგები კაზინო აჭარისათვის იწყებაპარტნიორები-საქართველოს და კაზინოს "აჭარა" შორის გაფორმებული კონტრაქტის მიხედვით, ლელა გიორგობიანი და ვაჟა კვერნაძე, პარტნოირები-საქართველოს უფროსი ტრენერ–კონსულტანტები, ჩაატარებენ მართვის საბაზისო უნარ-ჩვევების ტრენინგებს კაზინოს სხვადასხვა მენეჯერებისათვის. ტრენინგები გაიმართება 15-დან 19 ივნისის ჩათვლით. დაგეგმილია ასევე მეორე ტრენინგიც, რომელიც დაიწყება 29 ივნისს და დასრულდება 3 ივლისს. ტრენინგების მიზანია პერსონალის ეფექტური მართვისთვის საჭირო საკვანძო საკითხების სწავლება და განვითარება.
|
7.06.2009 -
ეროვნული ბანკისთვის პრეზენტაციის და მას-მედიასთან კომუნიკაციის ტრენინგები დაიწყოეროვნული ბანკის კონტრაქტის მიხედვით პარტნიორები-საქართველოს ტრენერ-კონსულტანტები ჩაატარებენ პრეზენტაციისა და მას-მედიასთან კომუნიკაციის ტრენინგებს მაღალი რგოლის მენეჯერებისათვის. ტრენინგების მიზანია სატელევიზიო მიმართვების ეფექტურად განხორციელება და ზოგადად საჯარო გამოსვლებისათვის საჭირო უნარ–ჩვევების გაუმჯობესება. ტრენინგი მიმდინარეობს 3 ივნისიდან და გაგრძელდება ამა წლის 11 ივლისამდე.
|
7.05.2009 -
პარტნიორები-პოლონეთის და პარტნიორები-საქართველოს თანამშრომლობა გრძელდებაპარტნიორები-პოლონეთისა და პარტნიორები-საქართველოს ორმა ერთობლივმა პროექტმა ერთდროულად მიიღო გრანტი პოლონეთის საგარეო საქმეთა სამინისტროგან. ორივე პროექტი მიმართულია შიდა ქართლის რეგიონის განვითარებისაკენ და განხორციელებული იქნება გორის არასამთავრობო ორგანიზაციებთან თანამშრომლობით. პირველი პროექტის სახელწოდებაა “სიღარიბესთან ბრძოლის სტრატეგია – გორის ადგილობრივი ორგანიაზციების გაძლიერება ქალთა ეკონომიკური აქტიურობის ამაღლების მიზნით”, და მიზნად ისახავს ადგილობრივი დაუსაქმებელი ქალების ეკონომიკური მდგომარეობის გაუმჯობესებას. მეორე პროექტი სახელწოდებით “განათლება, როგორც ადგილობრივი განვითარების ინსტრუმენტი – შიდა ქართლის რეგიონში განათლების დეცენტრალიზაციის ხელშეწყობა”, გაზრდის ადგილობრვი სკოლების მასწავლებლების შესაძლებლობებს თანამდეროვე სასწავლო მეთოდოლოგიების გაცნობით და პოლონელი კოლეგების გამოცდილების გაზიარებით. ორივე პროექტი 2009 წლის ბოლომდე გაგრძელდება.
|
pages: 1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|