|
|
|
ახალი ამბები
01.01.2012 -
გილოცავთ ახალ 2012 წელს!პარტნიორები-საქართველოს ყველა კლიენტს, პარტნიორს, დონორსა და მეგობარს გილოცავთ ახალ 2012 წელს, მადლობას გიხდით თანამშრომლობისათვის და წარმატებებს გისურვებთ.
|
20.12.2011 -
მოხალისეთა მართვის სახელმძღვანელოპარტნიორები–საქართველომ დაასრულა მუშაობა მოხალისეთა მართვის სახელმძღვანელოზე, რომელიც ამ თემაზე ჩატარებული ტრენინგების დამხმარე მასალების კრებულს წარმოადგენს. მასალები მომზადდა USAID-ის ფინანსური მხარდაჭერით და საქართველოს გაეროს ასოციაციასთან თანამშრომლობით მიმდინარე ეროვნული ინტეგრაციის გაძლიერების 3–წლიანი პროგრამის ფარგლებში.
|
16.12.2011 -
ეროვნული ინტეგრაციის გაძლიერების პროგრამა2011 წლის ნოემბრიდან პარტნიორები–საქართველომ USAID-ს ფინანსური მხარდაჭერით, ეროვნული ინტეგრაციის გაძლიერების პროგრამაში დაიწყო მუშაობა. პროგრამა სამწლიანია და მის ძირითად მიზანს სამოქალაქო ინტეგრაციის პროცესის ხელშეწყობა წარმოადგენს. ეროვნული ინტეგრაციის პროგრამას ახორციელებს საქართველოს გაეროს ასოციაცია. პარტნიორები–საქართველო პროგრამის ძირითადი ტრენინგ–პროვაიდერია და მისი საქმიანობა 3 წლის მანძილზე სხვადასხვა ტრენინგებისა და საზაფხულო ბანაკების ორგანიზებასა და ჩატარებას, და სატრენინგო სახელმძღვანელოების მომზადებას მოიცავს.
|
5.12.2011 -
გუნდის შეკვრის ღონისძიება UNDP–ის პროგრამისათვისUNDP-ის "განათლებისა და მეცნიერების სამინისტროს შესაძლებლობების განვითარება, განათლებისა და გადამზადების (VET) სისტემის განვითარებაში" პროგრამის ფარგლებში, პარტნიორები–საქართველომ 4 დეკემბერს ჩაატარა გუნდის შეკვრის ღონისძიება ჩაატარა. ღონისძიებაში პროფესიულ–ტექნიკური სასწავლებლების დირექტორები და სასწავლო ნაწილები იღებდნენ მონაწილეობას. ღონისძიების მიზანი იყო მონაწილეებს შორის თანამშრომლობითი და გუნდურ მუშაობაზე ორიენტირებული ურთიერთობის ჩამოყალიბება.
|
12.11.2011 -
ტრენინგები ლტოლვილთა და განსახლების სამინისტროსთვის პარტნიორები–საქართველომ ლტოლვილთა და განსახლების სამინისტროს თანამშრომლებთან ტრენინგების ერთ ციკლზე მუშაობა დაასრულა. ტრენინგები მოიცავდა მოქალაქეთა ეფექტური მომსახურების ტრენინგებს სხვადასხვა დეპარტამენტის თანამშრომლებისათვის და ეფექტური სატელეფონო მომსახურების ტრენინგებს ცხელი ხაზის ოპერატორებისათვის. ამ პროგრამის ფარგლებში, ოქტომბერ–ნოემბრის თვეებში, დანიის ლტოლვილთა საბჭოს ფინანსური მხარდაჭერით, ჯამში სამინისტროს 25 თანამშრომელი მომზადდა.
|
25.10.2011 -
ტრენინგები "ბილაინში"პარტნიორები–საქართველომ დაიწყო ეფექტური სატელეფონო მომსახურების ტრენინგების სერია „ბილაინის“ ოპერატორებისათვის, რომელიც მიზნად ისახავს სატელეფონო საუბრის და კომუნიკაციური ტექნიკების შესწავლასა და გავარჯიშებას. ტრენინგები 4 ნოემბრამდე გაგრძელდება.
|
20.09.2011 -
ტრენინგები შემოსავლების სამსახურისთვის პარტნიორები–საქართველომ ჩაატარა საჯარო გამოსვლების ტრენინგი შემოსავლების სამსახურის სხვადასხვა დეპარტამენტის წარმომადგენლებისათვის. ტრენინგი გაიმართა 14–18 სექტემბერს, რომლის მიზანი იყო საჯარო გამოსვლის დროს აუდიტორიის მართვის ძირითადი პრინციპების შესწავლა.
|
16.09.2011
-
ტრენერების ტრენინგი შიდა ქართლის, ქვემო ქართლისა და სამცხე–ჯავახეთის სკოლის მასწავლებლებისათვის12–14 სექტემბერს, პარტნიორები–საქართველოს ტრენერებმა ჩაატარეს ტრენერების ტრენინგი ქვემო ქართლის, შიდა ქართლისა და სამცხე–ჯავახეთის სკოლის მასწავლებლებისთვის. ტრენინგის მიზანი იყო მასწავლებლებისთვის ტრენერის უნარ–ჩვევების გავარჯიშება, რათა მათ დამოუკიდებლად ჩაუტარონ ტრენინგები რეგიონში არსებული სკოლების ქიმიის, ფიზიკის და ბიოლოგიის მასწავლებლებს. ტრენინგი განხორციელდა „შიდა ქართლის, ქვემო ქართლისა და სამცხე–ჯავახეთის სოფლის ტიპის დასახლებებში განათლების განვითარების“ პროექტის ფარგლებში, რომელიც მიზნად ისახავს სოფლებში მცხოვრები ბავშვებისა და ახალგაზრდებისთვის განათლების ამაღლებას და პატარა ქალაქებისა და სოფლების მასწავლებლების თანამედროვე მეთოდოლოგური ინსტრუმენტებით უზრუნველყოფას.
|
6.08.2011 -
სამოქალაქო ინტერესების დაცვის ტრენინგების სერია დასრულდა„საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში (G-PAC)“-ის პროგრამის ფარგლებში პარტნიორები–საქართველომ დაასრულა ადვოკატირების ტრენინგები საქართველოს რეგიონული, ანალიტიკური და თბილისის არასამთავრობო ორგანიზაციებისათვის. ტრენინგების მიზანი იყო სამოქალაქო ინტერესების დაცვის ძირითადი უნარ–ჩვევების შექმნა და გაძლიერება, რომლებიც განსაზღვრავს ასეთი ტიპის საქმიანობის ეფექტიანობას. პროგრამის ფარგლებში არასამთავრობო ორგანიზაციების 130–ზე მეტმა წარმომადგენელმა მიიღო მონაწილეობა.
|
9.07.2011
-
დროის მართვის ტრენინგები საქართველოს ბანკისათვის5–8 ივლისს, პარტნიორები–საქართველომ დროის ეფექტური მართვის ტრენინგები ჩაატარა საქართველოს ბანკის სხვადასხვა სერვის-ცენტრის ხელმძღვანელებისათვის. ტრენინგები მიზნად ისახავდა დროის მართვის უნარ–ჩვევების შესწავლასა და განვითარებას.
|
10.06.2011 -
ტრენინგების სერია "ჰაიდელბერგ–ცემენტის" თანამშრომლებისათვის"ჰაიდელბერგ–ცემენტის" მიერ გამოცხადებულ სატრენინგო ტენდერში გამარჯვების შედეგად, პარტნიორები–საქართველო ივნისში, ივლისსა და აგვისტოში ტრენინგებს ჩაატარებს კომპანიის თანამშრომლებისათვის დროის მართვის, ეფექტური საჯარო გამოსვლების და პროექტის მართვის თემებზე.
|
3.06.2011 -
ტრენერების ტრენინგი CENN რეგიონული ინიციატივის ფაგლებში31 მაისიდან 2 ივნისის ჩათვლით ბულაჩაურის მწვანე ცენტრში CENN რეგიონული ინიციატივის - „სამხრეთ კავკასიის ქვეყნებში სოფლად მცხოვრებ ქალთა გაძლიერება და მათი ჩართვა ბუნებრივი რესურსების მდგრად მართვაში“ ფარგლებში ჩატარდა ტრენერების ტრენინგი. ტრენინგს პროექტის ფარგლებში დაარსებული ქალთა საბჭოს წარმომადგენლები დაესწრენ. ტრენინგის მიზანს ლიდერი ქალებისათვის ტრენერისათვის საჭირო უნარ-ჩვევების და ცოდნის გადაცემა წარმოადგენდა. ტრენინგი პარტნიორები–საქართველომ ჩაატარა. მიღებული ცოდნის საფუძველზე, დაგეგმილია ქალთა საბჭოების წარმომადგენლების მიერ ტრენინგების ჩატარება, სხვადასხვა გარემოსდაცვით საკითხებზე, პროექტის მეორე ფაზაში დაარსებული ქალთა საბჭოების წარმომადგენლებისა და მეზობელი სოფლების მცხოვრებლებისათვის. ინიციატივა ხორციელდება გერმანული ფონდის EED–ის ფინანსური მხარდაჭერით.
|
1.05.2011 -
სამოქალაქო ინტერესების დაცვის ტრენინგების პროგრამა„საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში (G-PAC)“-ის პროგრამის ფარგლებში, პარტნიორები–საქართველო იწყებს ადვოკატირების ტრენინგებს საქართველოს რეგიონული, ანალიტიკური და თბილისის არასამთავრობო ორგანიზაციებისათვის. ტრენინგების პირველი ეტაპი განხორციელდება მაისის თვეში, რომლის ფარგლებშიც 60 არასამთავრობო ორგანიზაციის წარმომადგენელი მომზადდება. ტრენინგების მიზანია შექმნას და გააძლიეროს სამოქალაქო ინტერესების დაცვის ძირითადი უნარ–ჩვევები, რომლებიც განსაზღვრავს ასეთი ტიპის საქმიანობის ეფექტიანობას.
|
25.04.2011 -
პეესპე, "კრისტალი" და დაცვის პოლიცია – ტრენინგები ეფექტურ მომსახურებაშიაპრილში პარტნიორები–საქართველოს ტრენერ–კონსულტანტებმა ჩაატარეს ტრენინგები სამი სხვადასხვა კომპანიის თანამშრომლებისათვის. პეესპეს ფარმაცევტები ეფექტურ კომუნიკაციაში გატრენინგდნენ, მიკროსაფნინანსო ორგანიზაცია "კრისტალის: საკრედიტო ოფიცრები – სერვის პლუსსა და ეფექტურ გაყიდვებში, ხოლო დაცვლის პოლიციის თანამშრომლებს ტრენინგები მოქალაქეების ეფექტურ მომსახურებაში ჩაუტარდათ.
|
15.03.2011 -
ვორკშოპი მედიისა და არასამთავრობო სექტორის წარმომადგენლებისათვის12–13 მარტს, გუდაურში, პარტნიორები–საქართველომ, სამოქალაქო ინსტიტუციონალიზმის ფონდის ორგანიზებით, ჩაატარა ვორკშოპი ფონდის გრანტიორი არასამთავრობო ორგანიზაციების წარმომადგენლებისათვის თემაზე "პროექტის ფინანსური მართვა", ხოლო ჟურნალისტებისათვის – თემაზე "სამოქალაქო საზოგადოების როლი და ფუნქციები". ღონისძიების მეორე დღე დაეთმო გუნდის შეკვრის ღონისძიებებს. ტრენინგი მიზნად ისახავდა მედიის წარმომადგენლების ინფორმირებულობის გაზრდას სამოქალაქო სექტორის არსისა და მისი როლის შესახებ, ასევე მონაწილეებს შორის გუნდური მუშაობის პრინციპების განვითარებას და თანამშრომლობის გაღრმავებას მედიასა და არასამთავრობო სექტორს შორის.
|
4.03.2011 -
ტრენინგები დაცვის პოლიციისათვისდაცვის პოლიციის თანამშრომლებს ეფექტური სატელეფონო მომსახურებისა და გაყიდვების ტრენინგები ჩაუტარდათ, რომელსაც პარტნიორები–საქართველოს ტრენერ–კონსულტანტები უძღვებოდნენ. ტრენინგების მიზანი იყო კლიენტის სწორად მომსახურების სტანდარტებისა და გაყიდვების ტექნიკის შესწავლა. ტრენინგები 28 თებერვლიდან 3 მარტის ჩათვლით მიმდინარეობდა.
|
24.02.2011 -
ვორკშოპი შვეიცარიის განვითარებისა და თანამშრომლობის სააგენტოსთვისპარტნიორები–საქართველომ ჩაატარა გუნდის შეკვრისა და გუნდურ თანამშრომლობაზე მიმართული ღონისძიება შვეიცარიის განვითარებისა და თანამშორომლობის სააგენტოსთვის. აღნიშნული აქტივობა გაიმართა 18–19 თებერვალს, გუდაურში, რომლის მიზანი იყო კომუნიკაციური უნარების გავარჯიშება და გუნდური სულისკვეთებსი გაძლიერება.
|
15.02.2011 -
ტრენინგები 08–ის თანამშრომლებისათვის9–13 თებერვალს, საინფორმაციო ცენტრ 08–ის ოპერატორებს ჩაუტარდათ ტრენინგი თემაზე "ეფექტური სატელეფონო მომსახურება", რომლის მიზანსაც სატელეფონო კომუნიკაციისა და გაყიდვების ტექნიკის გაუმჯობესება წარმოადგენდა. ტრენინგის ფარგლებში 20 ოპერატორი მომზადდა.
|
14.02.2011 -
HR მართვის კურსზე მიღება გამოცხადდა14 თებერვალს, ბიზნეს კარიერის სკოლამ ადამიანის რესურსების მართვის
სასერტიფიკატო კურსზე მიღება გამოაცხადა. კურსი 7 მარტიდან 13 მაისამდე
გაგრძელდება. კურსს გაუძღვებიან პროფესიონალი ტრენერ–კონსულტანტები,
ფსიქოლოგები და ადამიანის რესურსების მართვის სპეციალისტები. მსურველებს
განაცხადის შემოტანა 28 თებერვლამდე შეუძლიათ. კურსდამთავრებულები პარტნიორები–საქართველოს და ბაქსვუდის საერთაშორისო სკოლის მიერ ერთობლივად გაცემულ სერტიფიკატებს მიიღებენ.
|
4.02.2011 -
ტრენინგი ახალგაზრდა ლიდერებისათვის სომხეთიდან და აზერბაიჯანიდან 2–3 თებერვალს, პარტნიორები–საქართველომ ჩაატარა ეფექტური კომუნიკაციისა და მოდერაციის ტრენინგი სომეხი და აზერბაიჯანელი ახალგაზრდა ლიდერებისთვის. ტრენინგში, რომლის მიზანი იყო ცოდნისა და უნარ–ჩვევების გაღრმავება, მონაწილეობდა 20 ახალგაზრდა ლიდერი. ტრენინგი განხორციელდა „სომეხი და აზერბაიჯანელი ახალგაზრდა ლიდერების შეხვედრის“ ფარგლებში.
|
pages: 1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|